ROMERÍA SARGADELOS 2012

PRESENTACIÓN ROMERÍA 2011

2011-07-20T15:45:00.000-07:00

Momento da presentación da Romería de Sargadelos, na Casa do Concello!!!

De esquerda a dereita, Xose Fernandez Segurado, Presidente da A.C.R. Fervenza de Sargadelos, Tania González Concellala de Cultura, Ramiro Chaves, Vicepresidente da A.C.R Fervenza de Sargadelos, Alfonso Villares, Alcade de Cervo, Pilar Álvarez Concellala de Xuventude, Sandra Duarte e Isabel Blas, Vocais da A.C.R Fervenza de Sargadelos.

Dende a A.C.R Fervenza Sargadelos agradecemos profundamente a todas aquelas institucións que colaboraron coa Romería de Sargadelos 2011, EXCMO Concello de Cervo, EXCMA Diputación de Lugo- Cultura e INLUDES; así como a todas as empresa colaboradores e particulares. Moitas gracias a todos!!

DOMINGO 24, PANCETADA E CHORIZADA, ó son da REQUINTA DA LAXEIRA

2011-07-14T14:16:00.000-07:00

No segundo día de festexo, o domingo 24, a partires das 20:00 a A.C.R. Fervenza de Sargadelos ofrece a toda a xente que o desexe, unha degustación de panceta e chourizo, acompañado de pan. Comezaranse a repartilas racións aproximadamente ás 20:00 da tarde.

Esta festa gastronómica, que xa vai pola súa terceira edición na Romería de Sargadelos, estará amenizada polo grupo de música tradicional e requinteiros da REQUINTA DA LAXEIRA, da localidade de Vedra. Tamén todos os romeiros teñen a oportunidade de mercar rifas para entrar nun sorteo dunha cea para dúas persoas no Restaurante-Chiringuito A ABRELA. Esta actividade será nos antigos fornos do paraxe de Sargadelos. Veñan e proben este manxar de romería e porque non, optar á ese magnífico premio.

Xusto despois, arredor das 22:45, comezará o concerto do grupo folk galego BERROGÜETTO.

BERROGÜETTO EN CONCERTO......Domingo 24 de xullo, NA ROMERÍA DE SARGADELOS

2011-07-08T09:20:00.001-07:00

O histórico grupo BERROGÜETTO será o prato forte da Romería de Sargadelos en 2011. Un dos mellores grupos da escea folk celta, xa non só galega, senón mundial, estará con nós o 24 de xullo para deleitarnos coa súa música.

A viaxe épica de Berrogüetto comeza na primavera de 1995 na Galiza, cando seis músicos de procedencias dispares se xuntaron coa intención de levar a música celta tradicional do seu país un paso máis aló, cara ó ...futuro, e experimentar novas sonoridades. O nome do grupo resume o seu ideario, evocando o "o berro dos oprimidos". Trasladando este concepto á música, os seus compoñentes consideran que o folk sempre estivo encorsetado nun espazo onde non pode desenvolver libremente as súas enormes posibilidades.

Ao longo da súa traxectoria a formación foise modificando. O equipo fundador estaba composto por: Santiago Cribeiro (acordeón, teclados), Paco Juncal (violín), Quico Comesaña (arpa, mandolina, bouzouki), Guillerme Fernández (guitarras), Anxo Pintos (gaita, zanfona, saxo soprano), e Isaac Palacín (percusión). No segundo álbum Viaxe por Urticaria (1999) incorpóranse Guadi Galego á voz e gaita, e Quim Farinha, que toma o relevo de Juncal no violín. Con esta banda gravarían dous discos máis: Hepta (2001) e 10.0 (2006). No ano 2008 Guadi Galego deixa o grupo e intégrase o cantante, gaiteiro e percusionista Xabier Díaz, con quen editan Kosmogonías (2010). Este seu último traballo é “unha reflexión entre a humanidade e o universo” e “un homenaxe ós heroes anónimos que fan que a vida dos demáis sexa mellor”, segundo Anxo Pintos.

+ info: http://www.berroguetto.com/

NOVA LIÑA DE CAMISETAS DE SARGADELOS 2011

2011-07-05T11:05:00.000-07:00

Xa está á venda o novo uniforme para a ROMERÍA DE SARGADELOS 2011!!!. Nova liña de camisetas diseñada polo cervense Adrián González!!!!. Pódense a acadar a través do Facebook de Romería de Sargadelos, a través de calquera membro da asociación, ou no Bar Caseto de Copa de Cervo.

Os prezos de ditas camisetas son os seguintes:

HOME (M-L-XL-XXL) de cor verde: 10 €
MULLER( M-L) de azul turquesa: 10 €
NENO/A de cor verde: 7 € (talla única).

¿¿¿¿IDES QUEDAR SEN ELA????..........

SARGADELÍZATE!!!!!!

PANORÁMICA DOS GRUPOS PARTICIPANTES NO SF 2011: REMAKERS.

2011-06-29T10:53:00.000-07:00

Da unión en 2009 de músicos de diversos grupos ribadenses (Beetle Juice, Mallory, Zora Gabbara, Amigos de lo Ajeno...) naceron REMAKERS. Fixérono como un proxecto paralelo ás súas actividades habituais, por divertimento e placer, como un grupo de versións que non tivese ataduras de estilo (rock & roll, pop, soul...).

Co tempo, a banda foise labrando un son propio que destaca polas bases contundentes, os xogos de guitarras eléctricas e acústicas e coidadas armonizacións vocais. As versións que soen facer REMAKERS abranguen artistas de tanto calado e calidade como Queen, PJ Harvey, Rolling Stones, David Bowie, The Police, R.E.M., Janis Joplin... ademáis, sorprenderannos tamén no Sargadelos Fusión con temas novos da súa autoría. Os seus concertos caracterízanse pola intensidade e a sinceridade na interpretación de temas elixidos para divertirse e divertir, e emocionar, a todo tipo de público.

A REQUINTA DA LAXEIRA, o domingo 24 na Romería..........20:30, antes do concerto de BERROGÜETTO

2011-06-25T14:27:00.000-07:00

A Requinta da Laxeira é un grupo da zona da Ulla adicado á recuperación do instrumento da requinta, típico da zona. Son un grupo de rapaces e rapazas que destacan pola súa música alegre e enérxica, que lles valeu para gañar o Concurso de Cantos de Taberna de Melide, ou para realizar actuacións tanto en distintos lugares de Galicia como en cidades como Frankfurt ou Bilbao.

Tamén gran parte do seu repertorio componse de "música de requinta" (recollida ós vellos requinteiros). Como din eles, nos concertos tratan de pasalo ben, cantar, bailar, sorrir......o cal son a escusa perfecta para estes eventos.

Animarán a festa gastronómica (pancetada e chorizada) do 24. a pé de campo, antes do concerto de Berrogüetto. A actuación comezará arredor das 20:15 da tarde.

+info: www.arequintadalaxeira.com

MEDOMEDÁ estarán con nós no III FESTIVAL SARGADELOS FUSIÓN

2011-06-22T11:14:00.001-07:00

MeDoMeDá son o segundo grupo confirmado para o Festival Sargadelos Fusión na súa terceira edición, o 23 de xullo de 2011. Definíndose a sí mesmos como mestura "de rock e comedia", nacen entre Compostela e Teo a partir do liderado de Marquin...hos Drinkin (ex Drinkin Tinto e que popularizou no concurso A polo Ghit a súa divertida canción "Iogur de fresa" http://www.youtube.com/watch?v=rC-mvNVphyU&feature=related).

Ademáis este grupo foi o encargado de compoñerlle o himno ao equipo de fútbol-sala XACOBEO-LOBELLE de Santiago, todo un campión da copa de España de fútbol-sala e da Recopa de Europa.

Os MeDoMeDá caracterízanse tamén por elixir un vestiario adecuado a cada ocasión, a cada cual máis descacharrante, como podedes ver na súa páxina de facebook. Seguen a estela en Galicia de grupos de rock desenfadados e divertidos como os propios Drinkin Tinto ou os Heredeiros da Crus, e compartiron escenario con xente de tanta calidade coma Ruxe Ruxe. Rock para rir, bailar e festexar no Sargadelos.

http://www.myspace.com/medomeda

http://www.facebook.com/pages/Medomeda/61320072677

CLAN MARAGATO no III FESTIVAL SARGADELOS FUSIÓN, sábado 23 de xullo

2011-06-20T13:03:00.000-07:00

Clan Maragato é un proxecto musical nacido no outono de 2003 en San Cibrao, froito das inquedanzas musicais dos seus compoñentes. Dende os comezos, o obxectivo principal da agrupación foi facer música folk desenfada e festeira.
A maioría dos compoñentes do Clan Maragato proveñen da canteira do Grupo Folclórico Mistura, pero tamén hai membros procedentes de outras asociacións como Airiños do Xunco. A formación destes músicos é predominantemente autodidacta, aínda que algúns deles teñen estudios de música clásica e jazz.
Algunhas das actuacións máis importantes do grupo foron na Carballeira de Zas´10, Arroutada´09, Festival de Pardiñas´08, Festival Irmandiño de Moeche´07. Ademáis, actuaron en numerosos locais de concertos de toda Galicia como o Clavicémbalo (Lugo), Sala Garufa (A Coruña), Pub Fardela (Vilalba), O Muíño (Cervo), e moitos outros.

Clan Maragato son:

• Chus: Pandeireta e voz.
• Ricardo: Percusións e gaita galega.
• Jacobo: Baixo eléctrico.
• Julián: Acordión, flautas e gaita.
• Rodrigo: Acordión, flautas e gaita.
• Carlos: Guitarra eléctrica.
• David: Percusións e gaita.

FALPERRYS actuarán no III FESTIVAL SARGADELOS FUSÍÓN

2011-06-19T04:04:00.000-07:00

FALPERRYS, música tabernaria para almas perdidas, completa o cartel do Sargadelos Fusión 2011.

Falperrys son unha banda creada en Vigo en 2010 por unha serie de veteranos músicos curtidos en grupos sobranceiros no panorama do rock galego como Skacha ou Motor Perkins. Algúns dos bandullos máis enormes do circuito musical galaico uníro...nse para fabricar un punkfolk que da fame de festa. Dan boa fe diso en Vigo (La Fábrica de Chocolate, La Iguana Club), Ourense (O Miudiño), Moaña (San Resakiño), Melide (Sala 600) ou Mos (Festa da Prehistoria). Pero sábeno tamén alén das nosas fronteiras; en abril realizaron unha xira en Berlín tocando nos pubs Pimplar, Clash e Wild at heart.
Guitarra, acordeón, mandolina, baixo, batería, voz e violín preparan un caldo que ten como obxectivo alegra-los corazóns. Seguro que van dar moito que falar... e moito que bailar. 23 de xullo en Sargadelos!!!

CARTEL DO III FESTIVAL SARGADELOS FUSIÓN

2011-06-14T06:47:00.000-07:00

PROGRAMA DA ROMERIA 2011

2011-04-28T07:04:00.000-07:00

SÁBADO 23
20:00 Lanzamento de bombas de palenque, comeza a Romería 2011.
21:00 Probas de son
23:00 III FESTIVAL SARGADELOS FUSIÓN, cos grupos:
Remakers (Ribadeo)
Medomedá (Santiago D.C.)
Clan Maragato (San Cibrao)
Falperrys (Vigo).

DOMINGO 24
13:30 lanzamento de bombas de palenque.
14:00 Sesión Vermouth co grupo VIVARIUM
15:00 Xantar de romería
20:00 Pancetada e chorizada, amenizada por A REQUINTA DA LAXEIRA
22:45 Concerto de BERROGUETTO
0:00 Queimada Gratuita
0:30 Verbena a cargo do grupo VIVARIUM

LUNS 25 (Día de Santiago Apóstol)
12:00 Lanzamento de bombas de palenque.
13:00 Misa solenme cantada polo coro parroquial de Cervo
13:30 Procesión a cargo do grupo de gaitas A.C. Airiños do Xunco.
14:00 Sesión Vermouth a cargo do Grupo COSTA DO MAR
15:00 Xantar de Romería
22:00 Verbena a cargo do Grupo COSTA DO MAR
1:00 Lanzamento de bombas de palenque anunciando o remate da Romería 2011.

ORGANIZA: A.C.R. Fervenza de Sargadelos

COLABORA: EXCMO. Concello de Cervo
EXCMA. Deputación de Lugo
INLUDES

GAÑADORES do III TORNEO DE MUS

2011-04-24T16:48:00.000-07:00

A A.C.R. Fervenza de Sargadelos organizou o seu III Torneo de Mus este sábado 23 de abril na Pousada O Almacén de Cervo. Comezando ás 16:00 e concluíndo ás 22.00 da noite. Dividindo a competición en dous grupos de cinco parellas cada grupo, e pasando a semifinais os dous mellores de cada grupo.

Todo transcurreu con total normalidade, onde a competición foi do máis igualada. Pasando a Semifinais, por unha banda os burelenses Raúl-Otero contra a parella local Ramón-Xacobo. Disputando a outra semifinal as parallas da localidade de Burela Nando-Josué contra Suso e Joel, éstes ultimos pasarían á final xunto con Raúl-Otero. O 1º premio, que consistía no 50% da recaudación +agasallo, disputaríano finalmente Raúl-Otero (na foto) vs. Suso Joel. Gañando os primeiros, por un contundente 3-0. Os segundos clasificados laverían o 20% da recaudación +agasallo.

A A.C.R. Fervenza de Sargadelos agradece a participación, a competitividade e deportividade de todas as parellas, así como a estimada colaboración da Pousada O Almacén. Gracias!!!!!!

III TORNEO DE MUS

2011-04-19T07:09:00.000-07:00

A A.C.R. Fervenza de Sargadelos" organiza o III Torneo de Mus o sábado 23 de abril na Pousada O Almacén de Cervo. Xa sabedes que iso de fardar de ser a mellor parella de mus da volta non se paga con diñeiro!

COSTE DA INSCRICIÓN: 20 euros.
PRAZO: ata o sábado ás 12 horas, chamando por teléfono ó 653.324.047 (ou mandando un mail a fervenzadesargadelos@gmail

.com).

PREMIOS: 50% recaudación para os PRIMEIROS CLASIFICADOS

20% da recaudación para os SEGUNDOS CLASIFICADOS.

ORGANIZA: A.C.R. FERVENZA DE SARGADELOS
COLABORA: POUSADA "O ALMACÉN"

III EDICIÓN DA FESTA DA FABADA, O 19 DE FEBREIRO

2011-01-26T16:53:00.000-08:00

O sábado 19 de febreiro celebraremos a III FESTA DA FABADA na praza do Souto de Cervo. A repartición de racións (fabada+pan+viño+tarrina), comezará a partires das 19:30. Posteriormente, a partires das 22:30, terá lugar a verbena no interior da carpa a cargo do Grupo Costa do Mar. No descanso da actuación, membros da asociación realizarán o sorteo dun lote de productos mariños. Alí vos agardamos... traede fame e ganas de festa.
ORGANIZA: A.C.R FERVENZA DE SARGADELOS
COLABORAN:
EXCMO CONCELLO DE CERVO
INLUDES
EXCMA. DEPUTACIÓN DE LUGO.

BENVIDO 2011

2011-01-17T13:54:00.000-08:00

A PARTIRES DESTE MOMENTO PUBLICAREMOS TODAS AS ACTUALIZACIÓNS E NOVAS DO PRESENTE ANO: actividades, festas, eventos culturais, actuacións, etc.

Benvidos a Romería de Sargadelos 2011.

REGALAMOS 2 CAMISTEAS EN FACEBOOK

2010-10-21T11:10:00.001-07:00

Estamos a piques de de ser 1.000 romeir@s en FACEBOOK. E co paso dos dias, das semanes e meses, esperamos ser moitos máis. E para celebrar dita cantidade, a Romería de Sargadelos regala ó romeir@ número 1.000 un pack de dúas camisetas, co lema de VOLTA Á ORIXE e de SARGADELÍZATE. Con esta idea pretendemos ser cada vez máis romeiros e romeiras, e así coñecernos todos, interactuar, intercambiar opinións, falar e comentar na rede social.
Estaremos antentos pa saber quen é o gañad@r, para poñernos en contacto con dita persoa para mandalo pack.

A partir desta idea e desta cantidade inicial, a romería de sargadelos, de 100 en 100 amigos, regalará packs de camistas ós afortunados.

PRESENTACIÓN DA ROMERIA DE SARGADELOS 2010

2010-07-20T14:43:00.000-07:00

Este pasado martes 20 de xullo, celebrouse na paraxe de Sargadelos a presentación da tradicional Romaxe de Sargadelos, que se celebra esta fin de semana no conxunto histórico-artístico de dita parroquia.
Os encargados de realizala presentación foron algúns dos membros da A.C.R. Fervenza de Sargadelos, como Ramiro Chaves vicepresidente, Sandra Duarte como vocal e Xosé Fernández como Presidente da entidade.

Dende Fervenza, desexámosvos unhas felices festas. Un fin de semana intenso de festa, onde poidamos celebrar un ano máis unha das romerías máis emblemáticas da comarca e incluso da provincia. Na cal seguiremos no empeño de recuperar esa orixe anteriormente perdida.
Gracias a todos ós que colaboraron, ós que se implicaron e ós que fixeron posible a celebración desta festa. GRACIAS A TODOS.

Un saúdo

SÁBADO 24 DE XULLO, CHORIZADA E PANCETADA

2010-07-14T05:03:00.001-07:00

Dentro da programación da Romería de Sargadelos 2010, hai que destacar un ano máis, a festa gastronómica que caracteriza a dito festexo. O sábado 24 de xullo, a partires das 20:00 da tarde, os membros da A.C.R. Fervenza e colaboradores, repartirán no lugar dos antigos fornos, racións de chourizos, panceta e pan.
Que mellor que abrir boca con esta disgustación típIca do noso país antes do concerto do ilustre grupo galego A RODA.
Aproveitamos tamén para comunicar, que ás 0:00 da noite, xusto ó remate de dito concerto, seguiremos con gastronomía, xa que os membros da asociación tamén repartirán litros de queimada gratuitamente e así todos os alí presentes queden purificados de todo mal.

VIDEO PROMOCIONAL ROMERÍA DE SARGADELOS 2010

2010-07-13T17:02:00.000-07:00

CARTEL DO FESTIVAL SF-2010 e da ROMERÍA SARGADELOS

2010-07-13T04:54:00.000-07:00

O 24 DE XULLO, O GRUPO "A RODA" EN CONCERTO na Romería de Sargadelos

2010-07-01T14:02:00.000-07:00

O sábado 24 de xullo, a Romería de Sargadelos terá o privilixio de contar cun dos grupos de música tradicional galega máis laureados e máis populares do noso país. O grupo A RODA, ofrecerá un concerto, dentro da programación da romería, o 24 de xullo a partires das 22:30 na paraxe de Sargadelos.

Este grupo defínese como un grupo de amigos que se xuntaban a cantar arredor dunha mesa redonda na taberna, de aí o nome. Unha época e nun país onde convivía esta tradición tabernaria cos efectos da normalización, que comezaban a dar resultados tamén no eido musical, eido que precisaba ter representación tamén no ámbito da cantiga de taberna. Estes feitos, xunto ao carácter estritamente popular das cantigas galegas que cantaba A Roda.

Na actualidade o grupo A Roda, ademais de conserva-la esencia que caracterizou ao grupo dende o seu berce e de mante-los presupostos do seu xermolo, roda e xira baixo o obxectivo común de non limita-la súa creatividade e inspiración, agroma a necesidade de chegar onde nunca antes chegara, e zumega entre as súas madeiras a intención de facer unha Roda igual de redonda pero máis grande e totémica, se isto é posible.

As últimas gravacións da formación son: LEMBRANZAS (1995) disco recopilatorio. NA BRANCA NOITE (1996), disco que supón unha homenaxe á gran tradición que ten o xénero da panxoliña, así como á importancia que acadou este xénero no conxunto do cancioneiro popular galego e na literatura galega en xeral. ONDE GALICIA É PORTUGAL (1998). R.C. CELTA - A RODA (1999). AÍ O VÉN (1999), disco publicado e editado en colaboración co Xacobeo 99, no que se inclúen dúas cancións autógrafas que A RODA realiza con motivo do mencionado evento. Estas dúas cancións atópanse tamén no recente O SON DO CAMIÑO (2004). Por último cómpre facer mención da recente edición especial que realiza La Voz de Galicia, baixo a colección Son de Galicia do disco PRA OS AMIGOS.

Mais información: www.grupoaroda.com

SACHA NA HORTA, COMPLETA O CARTEL DO SARGADELOS FUSIÓN 2010

2010-06-30T15:11:00.001-07:00

O grupo santiagués SACHA NA HORTA , completa o excelente cartel do festival Sargadelos Fusión 2010. Dita banda actuará en segundo lugar, xusto despois da outra banda santiaguesa Ataque Escampe.

Sacha na Horta é un grupo de mulleres que naceu unha noite de fista entre as hortas de Compostela. Embriagadas pola música e o alcol deciden probar os efectos fertilizantes do licor café e das mellores sementes agromaron os repolos máis extraordinários que deu a terra. E Como a noite é moi longa presentáronse ó A Polo Ghit 2007 e, como aa vida é sorprendente, ... gañaron. Volta a collelo sacho!

Estréanse en xaneiro de 2008 no Centro Social A Gentalha do Pichel de Compostela. O seguinte concerto sería na Habana (Cuba).

A partir deahí, sempre dobrando a espalda sin deixar de bailar, o “agro-punk mestizo” das sachadoras non deixará de soar porque...SI AS MULLERES PARAN, O MUNDO PARA!!

PARA MÁIS INFORMACIÓN EN: www.myspace.com/sachanahorta

RECAMBIOS TUCHO, NO FESTIVAL SARGADELOS FUSIÓN

2010-06-28T16:41:00.000-07:00

A banda do barbanza será a encargada de pechar o festival Sargadelos Fusión, que se celebrará na fermosa paraxe de Sargadelos o venres 23 de xullo. Recambios Tucho súmanse asi ás bandas xa confirmadas como ATAQUE ESCAMPE e MALLORY.

RECAMBIOS TUCHO regurjjita da boca do que fòra creador e ideòlogo dos . .finadiños?...HEREDEIROS DA CRUS; TUCHO (Antonio Novo Alonso Quijjano) Despois de termos o jran privilexio de presentarnos ante a concurrida concurrensia (valja la rebusnansia)da nosa Santìsima Festa da Dorna da benquerida SANTA EUGÈNIA DE JUINSCONSIN, e case sen darnos conta, aparescemos na adorada Juadalupe de Rianxo (con tòdolos membros pero sen tanta roupa). RECAMBIOS TUCHO busca dàrlle a volta de parafuso (para fuso TÙ,guapo) os grandes clàsicos do rock dos 70(tentando desmerecelos na sua xusta medida) co desparafusador( desparafusa que??) retranqueiro do noso Tucho TUMBABRAJAS. .. Sen màis Retranca vergonzante i acusadora ¡señora! a uste me remito sen mais demora que RECAMBIOS TUCHO està de volta con enerxia renovada.

Máis información en: www.myspace.com/recambiostucho

O VENRES 23 de xullo ATAQUE ESCAMPE ABRIRÁ O II SARGADELOS FUSIÓN

2010-06-28T10:57:00.000-07:00

A banda santiaguesa ATAQUE ESCAMPE, será a encargada de abrir o II FESTIVAL MUSICAL SARGADELOS FUSIÓN. Será o venres 23 de xullo a partir das 22:30 da noite.

E como din eles.....As Ataque Escampe gostamos de nos definir como rock de serie B porque partindo dunha instrumentación sinxela ofrecemos unha proposta musical que trata de ser sólida e autónoma, encadrábel nunha traxectoria antivirtuosa practicamente inédita na Galiza, na xenealoxía que se podería trazar desde Neil Young até Violent Femmes pasando por Jonathan Richman, estendendo estraños tentáculos que rozasen, por exemplo, a Xil Ríos. O rock de serie B é un xeito de entender a música que abrangue un inxente abano de xéneros, dende o bolero ao punk, pasando polo valse, o tango, a canción popular galega, o pop electrónico, o country ou a rumba. O funcionamento como grupo sen destacar autorías, o emprego do galego como única lingua e a reciclaxe de músicas malditas completan a nosa filosofía: o "do it yourself" máis brutal, poético e desvergonzado que poida caber nun formato

Para máis información o seu myspace: www.myspace.com/ataquescampe

MALLORY ESTARÁ NO II FESTIVAL SARGADELOS FUSIÓN

2010-06-22T05:03:00.001-07:00

A banda ribadense de rock and Roll, MALLORY, estará un ano máis no II FESTIVAL MUSICAL "SARGADELOS FUSIÓN, será o venres 23 de xullo a partires das 22:00 da noite na paraxe de Sargadelos.
Según os integrantes do grupo, Conta a lenda que catro individuos con tendencia á festa, a cerveza e as barbacoas con amigos, coincidiron un dia na consulta do psicólogo e animados polos sues gustos musicais comúns, decidiron montar unha banda para a alegria dos seus amigos, fans, a pesar do seus familiares e veciños.
E dende entón, Mallory, sobreviviu como soldados de fortuna, si vostede os encontra, quizais poida contralos.

Máis información: http://www.myspace.com/malloryonline#ixzz0raO4H38A

A PARTIR DESTE MOMENTO PUBLICAREMOS AS NOVAS DESTE ANO 2010

2010-06-22T04:40:00.001-07:00

SARGADELOS 2009 NO RECORDO

2009-07-29T13:46:00.000-07:00

VIDEO PROMOCIONAL SARGADELOS 2009 "Volta á Orixe"

2009-07-20T17:14:00.001-07:00

BYTHEFACE NO SARGADELOS FUSIÓN o 24 de xullo

2009-07-15T12:56:00.001-07:00

Finalmete pola cancelacion dos burelaos Torques, o grupo rockeiro BYTHEFACE completará o cartel final do I FESTIVAL SARGADELOS FUSIÓN. Son 5 (+ou-) persoaxes da vella escola Hardcore, Grunge, Rockeira, Salseira y Pachangueira de VIVEIRO que trais integrar outras bandas decidiron montar BYTHEFACE valorando por encima de todo a amizade e as gañas de pasalo DePutaMadre!!! Durante estes 2 anos de andaina e parranda! decidiron poñerse en serio e centrarse no que vai ser o seu primeiro album. Combinando estilos variados, frescura e aires HC de Viveiro e esperan facerse un oco na escena musical.

VÉMONOS.......................................Bytheface

Os integrantes do grupo son:
IVAN...............Voz
VICTOR............Bajo
SANTI..........Bateria
KIKO..........Guitarra
CHEMA......Guitarras

Para máis información en http://www.myspace.com/bytheface1

CANCELADA A ACTUACIÓN DE TORQUES NO SARGADELOS FUSIÓN

2009-07-13T17:46:00.000-07:00

Finalemente e por motivos laborais, o grupo burealo TORQUES, non estará no I Festival musical SARGADELOS FUSIÓN. Nestes momentos, a A.C.R. Fervenza de Sargadelos está buscando unha nova actuación para suplir á banda burelá. Polo tanto seguirán sendo catro actuacións.

CARTELES PROVISIONAIS ROMERÍA DE SARGADELOS 2009 E SARGADELOS FUSIÓN

2009-06-05T08:09:00.000-07:00

NOVIDADE NO BLOG DA ROMERÍA

2009-06-04T09:23:00.000-07:00

No lateral da páxina poderedes escoitar cancións e proximamente vídeos dos grupos que vaiamos confirmando para tocar na Romería. Comezamos por agora co histórico grupo A Quenlla, que tocarán como xa sabedes o día 25. Aí vos quedan Avec moito love, Bando do Alcalde, María Balteira, Rumboia e Ter ou ser.

QUEIMADA con... Xosé Vicente Mon o sábado 25 de xullo en Sargadelos

2009-06-04T08:08:00.000-07:00

O día 25 de xullo, despois do concerto do histórico grupo A Quenlla, poderedes degustar gratis unha saborosa queimada; o correspondente conxuro correrá a cargo do mestre queimador cervense Xosé Vicente Mon Canoura. Outro aliciente máis para que vos acheguedes á Romería o día de Galicia. Unha brevaxe para exteriorizar todos eses malos espíritos que levamos dentro de nós. O bruxo pregonará o esconxuro xusto ó rematar o concerto de A Quenlla, e repartirarase litros e litros de augardente totalmente gratuita.
Aquí tedes o link da web do queimador cervense Xosé Vicente Mon:

http://www.monqueimada.com/

SNATCH en SARGADELOS FUSIÓN o venres 24 de xullo

2009-05-30T05:41:00.001-07:00

Snatch nace no 2007 baixo formación de cuarteto cun repertorio, en principio, orientado a versións de rock principalmente. Paulatinamente incorporamos temas propios con influencias do rock, pop, jazz, blues, funk, reggae... ata completar un repertorio completamente orixinal tocando en numerosas ocasions por toda a xeografía galega.

http://www.myspace.com/snatchsantiago

24 DE XULLO EN SARGADELOS FUSIÓN
ROMERÍA DE SARGADELOS 2009

O dúo CHINGLA E SALVA o domingo 26 no Sargadelos

2009-05-20T15:34:00.000-07:00

O domingo día 26 de xullo, contaremos na Romería de Sargadelos co dúo focense Chingla e Salva. Uns artistazos, os cales compuxeron o himno do C.D.Foz......si si....ese de......¡aupa Foz Aupa!......pois terémolos na Sesión Vermouth do domingo 26. Este dúo actúa en numerosos eventos, como bautizos, bodas, bailes de entroido ou mesmo festas infantís. E como no........na Romaría de Sargadelos ás 13:30 do mediodía. Así que non hai excusa........un domingo de verán que mellor que de festa.

Recordar que a festa celébrase no lugar de sempre, no conxunto histórico-artístico de Sargadelos.

2009-05-20T07:39:00.000-07:00

1ª EDICIÓN DO FESTIVAL

SARGADELOS FUSIÓN
24 DE XULLO DE 2009
ROMERÍA DE SARGADELOS 2009

GRUPOS CONFIRMADOS:
O LEO I ARREMECÁGHONA
(Vigo)
MALLORY
(Ribadeo)
SNATCH
(Santiago)
TORQUES
(Burela)

SON E ILUMINACIÓN.
MAS DB´S (Santiago)

O GRUPO ACUARELA, o 25 de Xullo en Sargadelos

2009-05-12T08:59:00.000-07:00

O sábado 25 de xullo, e celebarando o día do Santiago Apóstol, contamos tamén coa actuación do Grupo Acuarela, onde comezará a súa actuación coa sesión Vermouth, a partires das 14:00 da tarde. Compartirá cartel co grupo de música tradicional galega, archicoñecido e gañador do Pedrón de Ouro 2009, A Quenlla. Será un día óptimo para celebrar unha das Romerías máis laureadas da comarca, onde o que se pretende é recuperar a orixe da festa, e que mellor que con boa música da terra e farra.

O 25 de xullo, toda a xente pode disfrutar da festa ó ritmo da música actual, de pasodobres, cumbias, salsa e merengue; contrastado coa nosa música tradicional a cargo de A Quenlla.

Unha boa ocasión para celebrar o día de Galicia, e como non pode ser mellor, que en SARGADELOS!!!!!

MALLORY, o 24 de xullo en Sargadelos.

2009-05-05T08:31:00.000-07:00

O venres 24 contaremos en Sargadelos coa actuación da grande banda de rock ribadense Mallory, uns musicazos que xa nos fixeron vibrar noutras edicións anteriores da romería e que teñen compartido xira con grupos de tanto prestixio como Saratoga, Os Suaves ou Barón Rojo.

Mallory fórmase no ano 1990 aproximadamente cos mesmos catro compoñentes que actualmente o forman (Fran García, voz, guitarra e gaita; Armando Da Veiga, guitarra e coros; Rober Martínez, batería e coros; Fillo, baixo e coros.)Tras varios anos de dedicación a ensaios e concertos pola zona consiguen un contrato discográfico coa compañía madrileña Avispa Music, coa que editan os seus dous discos titulados "Mallory" no ano 2000 e "Baskerville" no 2002. Entre os anos 2005 e 2008, ante o forzado parón debido ao pouco movemento da industria discográfica, e para conmemorar o vinte aniversario da morte de Phil Lynott embárcanse nunha nova aventura musical facendo unha homenaxe aos seus idolatrados Thin Lizzy, versioneando os seus temas e volvendo aos escenarios. Na actualidade, coas pilas recargadas, estan dispostos a sair de novo aos escenariospara mostrar ao público o que mellor saben facer: ¡¡rock n´roll!!

http://www.youtube.com/watch?v=5m_Sqy5WrwI

http://www.myspace.com/malloryonline

"A QUENLLA", o 25 de xullo en Sargadelos.

2009-04-23T13:08:00.000-07:00

O histórico grupo de música tradicional A Quenlla actuará na romería o 25 de xullo. Este texto da súa web resume a longa traxectoria destes músicos.

"A Quenlla naceu en 1984. Os obxectivos fundamentais con que naceu eran, entre outros, continuar no mundo da música e da palabra, logo da primeira experiencia con “Fuxan os Ventos”. Deste xeito, quixeron crear unha nova agrupación para dinamizar -coma suma de vontades e un xeito específico de facer- a Cultura Galega e, de xeito especial, a canción.

Desde os seus inicios, A Quenlla puxo unha especial atención na Cultura Tradicional, asumindo como base a memoria colectiva e, como fundamento histórico, recuperala do abandono e do esquecemento, transmitindo unha versión de moitos feitos que poucas veces se contaron. Adoptar unha postura crítica e un compromiso diante dos acontecementos é o que move a A Quenlla, que non canta por cantar, senón que o fai para expresa-lo seu propio punto de vista. As súas cancións veñen sendo unha mestura de música tradicional recollida directamente por eles mesmos con outra música baseada en textos de autores -homes e mulleres da Palabra- que resisten inflexibles na procura da recuperación da memoria histórica, dos dereitos culturais e da dignidade como Pobo.

Ademáis Xosé Luís Rivas "Mini" e Baldomero Iglesias, "Mero" obteron o premio Pedrón de Ouro 2009 polo seu esforzo e traballo que realizan dende 1972 recollendo e transmitindo o patrimonio da tradición oral galega. Levan todo ese tempo recompilando material por toda a xeografía galega, pero fundamentalmente na Terra Cha, a súa comarca natal, e nas zonas de Boimorto e Mesía, onde exercen a docencia. O Pedrón de Ouro recoñece a personalidade ou entidade viva "que máis destacase na defensa e promoción das facetas da cultura" de Galicia ao longo do ano ou nunha traxectoria vital, como é o caso... Os dous musicólogos, transmisores dunha cultura oral e musical que doutro xeito se perdería, afirman que o mérito é "redescubrirse a si mesmos" a través da investigación cultural que emprenderon hai 37 anos." (A NOSA TERRA)Noraboa aos premiados que, como xa sabedes, tocarán o día de Santiago en Sargadelos co seu grupo A Quenlla.

Hoxe integran A Quenlla: Chusa, Tareixa, Mariña, César, Iria, Mijail, Manuel Varela, Raúl Galego (interpretacións de gaita), Mini e Mero."

O LEO i ARREMECÁGHONA o 24 de xullo en Sargadelos.

2009-03-26T08:31:00.000-07:00

Este ano contaremos na romería coa actuación do grande cantautor punk Leo i Arremécaghona, un artista que mestura no seu espectáculo a música e o humor a partes iguais. En breves subirei vídeos del, mentres déixovos aquí unha reseña do poeta lucense Daniel Salgado sobre un dos seus concertos en EL PAÍS.Del traje de faralá a los pololos (03/03/07)"A medio camino entre la procacidad, la reivindicación filológica y el travestismo paródico se encuentra la propuesta escénica de O Leo i Arremecághona.

Descrito a menudo como punk de autor, los referentes musicales que él escoge amplían la percepción de su espectáculo: Albert Pla, Billy Bragg o Pau Riba. La sombra de aquel entrañable Manolo Kabezabolo también planea sobre O Leo (...) Hace años que O Leo arranca sus conciertos con una particular visión de Suspiros de España, en la que transita entre el grito y el susurro con facilidad asombrosa, como una versión escatológica de PJ Harvey. Los bolos del autor de A Maldiçión dos Ghusanitos se caracterizan, sobre todo, por las contínuas carcajadas que arranca del respetable. Los hilarantes monólogos que incrusta entre tema y tema -fue subcampeón del concurso de Monólogos Monolingües que organiza la Universidad de Santiago de Compostela- hablan de filología, la profesión del hombre que está detrás de O Leo, de sindicalismo o de punk. Una versión del Should I stay or should I go se convierte, para O Leo i Arremecághona, en Non sei se quede ou se marche, "la canción más gallega de The Clash" y un ataque frontal a la doctrina del "bilingüismo armónico" que enarbolara la Administración Fraga Iribarne (...)

"Animádevos a vir velo, merece moito a pena!

Para ver vídeos aquí vos deixamos diferentes links:

http://www.youtube.com/watch?v=PtxHEeUyMYs
http://www.youtube.com/watch?v=d1GnXPlEcxE
http://www.youtube.com/watch?v=alB2o5IalXo

PROPOSTA CAMISETAS "SARGADELOS 2009"

2009-03-12T15:47:00.000-07:00

CH SOLUCIÓNS 09